पर्साबाट दस हजार ७०३ जना विद्यार्थी एसईईमा सहभागी हुँदै

चैत १९ गतेदेखि सुरु हुने यस वर्षको माध्यमिक शिक्षा परीक्षा (एसईई) मा पर्सा जिल्लाबाट १० हजार ७०३ जना विद्यार्थी सहभागी हुने भएका छन्।

पर्सा जिल्लाका १५३ विद्यालय (७० सामुदायिक र ८३ संस्थागत) बाट परीक्षा दिने विद्यार्थीका लागि २७ परीक्षा केन्द्र तोकिएको छ। ग्रामीण क्षेत्रमा १४ र शहरी क्षेत्रमा १३ परीक्षा केन्द्र रहने छन्।

परीक्षा व्यवस्थापनका लागि १,३०४ जनालाई परिचालन गरिएको छ, जसमा केन्द्राध्यक्ष, सहायक, निरीक्षक, सहायक, कार्यालय सहयोगी र सुरक्षाकर्मी समावेश छन्। प्रश्नपत्र नजिकैका प्रहरी चौकीमा सुरक्षित रूपमा पुर्‍याइएको छ भने बाँकी तयारी तीव्र रूपमा चलिरहेको छ।