सशस्त्र प्रहरी बल पर्साद्वारा साढे ६ लाख बराबरको सामान भन्सार दाखिला

वीरगंज । सशस्त्र प्रहरी बल,नेपाल नं.१३ गण हेडक्वाटर पर्साबाट खटिएको टोलीले करिब साढे ६ लाख बराबरको समान नियन्त्रणमा लिएको छ  ।

भारतबाट  छपकैया हुदै  भन्सार छली चोरी पैठारी गरी अवैध रुपमा नेपालतर्फ ल्याई लुकाई छिपाई राखेको अवस्थामा  कपडा र छोकडा नियन्त्रणमा लिई आवश्यक कारबाहिकोलागि वीरगंज भन्सार कार्यालय पर्सामा बुझाएको सशस्त्र प्रहरी १३ नं हेडक्वाटरका सूचना अधिकारी देवेन्द्र बहादुर सिंहले जानकारी दिए । 

छपकैयाबाटै अबैध रुपमा भारतबाट भन्सार छली चोरी पैठारी गरी नेपालतर्फ ल्याउदै गरेको  छालाको जुत्ता र उक्त कार्यमा प्रयोग भएको मोटरसाइकल समेत समेत नियन्त्रणमा लिई आवश्यक कारबाहीको लागि वीरगंज भन्सार कार्यालय पर्सामा बुझाएको छ ।

    त्यसैगरि  वी।रगंज महानगरपालिका वडा नं १६ नगवा नयाँ बस्तीबाट शिवम टोलमा रहेको रोहित प्रसाद कानुको घरमा भारतबाट अबैध रुपमा भन्सार छली चोरी पैठारी गरी   भण्डारण गरी  चिनी, पुरानो बोरा सिलाउने मेसिन, पुरानो डिजिटल मेसिन बरामद गरी आवश्यक कारबाहिको लागि वीरगंज भन्सार कार्यालय पर्सामा बुझाएको छ ।